Australia leh Brazil inhnehtawk

India rama rawn zin tur Brazil chu nimin tlai khan Australia-in Queensland Country Bank Stadium-ah an mikhual a, Nestory Irankunda freekick mawi zet khung mah se injury time-ah mikhual tan Rayan-a'n a sut a, 1-1 inkhel a tawp.

Carlo Ancelotti hian FIFA ranking 28-na Socceroos hmachhawn tur hian Vinicius Jr, Raphinha, Estevao, Endrick leh Bruno Guimaraes te bul ṭantir mah se goal an khung thei lo.

Minute 68-naah Australia-in freekick an hmu a, Sporting Lisbon midfielder Irankunda-a'n mawi zetin a hlai lut. Brazil-in inkhel thunun a, goal a lut thei lawk lo. Minute 76-naah Rayan a lut a, Bournemouth forward hian injury time-ah siphurh a sut.

Ancelotti hote hian September 29, Thawhlehni hian Australia nen friendly match an khel leh ang a, October 3, Inrinni zan dar 7:30-ah India nen Salt Lake Stadium-ah an inkhel ang.