India-in medal lak belh zel

2026 Asian Games-ah India-in nimin khan silver leh bronze medal pahnih ve ve an lakbelh. Women's 25 metre pistol inelnaah Hyderabad nula Esha Singh chuan silver medal a kap chhuak a, mipa 1500 metres intlansiakah Gulveer Singh-a'n silver medal a la bawk. Uttar Pradesh tlangval Gulveer hian Japan-a inelna neih mekah 10,000m-ah silver medal a la a, kum 2022-a Hangzhou-a inelna neih ṭumah pawh khan 10,000m-ah bronze lain kumin inelnaah hma a sawn.

Tun hma inchai dan chi khat Kurash-ah Pincky Balhara chuan hmeichhe 78 kg category-ah bronze a la a, hmeichhe 400 m hurdles-ah Coimbatore nula Vithya Ramraj chuan bronze a la. Kum 28 mi Vithya hian 4x400m mixed-ah silver la tawh bawk.

Mizo nula Lalremsiami leh Lalthantluangi telna India hmeichhe hockey team pawhin group stage-ah an khingpui hneh vekin semifinal an lut. Kolasib nula Siami hian goal ruk a khung tawh a, a goal khung tawhte hi a pawimawh hle. Lalthantluangi pawhin goal pawhin goal hnih a khung ve tawh bawk. India hian September 30, Nilaini tlai dar 1:00-ah South Korea nen semifinal-ah an inhmachhawn ang.