Mizoramin chakin bul an a ṭan

Dr. Talimeren Ao Junior Girls’ National Football Championship 2026-27-ah Mizoram hmeichhe team chuan an match hmasa berah Madhya Pradesh chu 2-0 in an hneh. Coach Vanlalpeka hote hian September 30, Nilaini zing dar 7:00 hian Assam nen an inhmachhawn leh ang.

Narainpur, Chhattisgarh-a inkhelah Mizoram tan PC Lalrinhlui'n minute 30-naah goal hmahruai a khung. Madhya Pradesh lamin Aarohi Shukla hmangin minute 39-naah sut mah se Saitual tleirawl Rinhluii hian minute 44-naah chakna goal a khung.

Mizoram hi group D-ah Madhya Pradesh, Assam leh Himachal Pradesh te nen an awm ho a ni.