Denmark-in Wales an hneh

Nations League khelh mekah Wales-in chak an la nei lo - Pathianni zan khan Denmark chuan Wales hi 2-0 in an hneh a, Craig Bellamy enkawl Wales hian tun international break-a match hnih an khelh tawhah an khingpui an la ngam lo ve ve tihna a ni.

Team pahnihin goal khung loa chawlhlawk an hman hnu, minute 53-naah Denmark-in goal hmahruai an khung a, Wales defender Ben Davies chuan Mikkel Damsgaard-a ball cross chu an lamah tilutin, 1-0 a ni.

Minute 66-naah Gustav Isaksen a inlar ve leh a, first half-a a goal khung an pawmsak loh player hian Denmark goal hnihna a khung - goal dang a lut tawh lo a, 2-0 in Denmark-in hnehna an chang.