Sweden-in Poland an hneh

UEFA Nations League, group B lama inkhel ngaihven hlawhah Sweden chuan 3-1 in Poland an hneh a, Graham Potter-a enkawl Sweden tan a zawna vawi hnih an chakna a nih laiin, Poland erawh match hnih aṭangin point khat chiah an la nei thung.

Sweden tan Benjamin Nygren, Yasin Ayari leh Viktor Gyökeres ten goal khat ṭheuh an khung a, hliam vangin Alexander Isak inlan thei lo mah se, Sweden hian goal khung kawngah harsatna an neih phah lo.

Poland tan Sebastian Szymanski chuan goal khat khung ve mah se, awmzia a nei phak lo a, bench aṭangin Robert Lewandowski chu luhtir ni mah se, a luh hian minute 88 a ni tawh a, MLS club Chicago Fire tana khel striker tan danglamna thlen turin hun a tam tawk lo - an tlawm.

Sweden-in an match hmasa zawkah 2-1 in Romania an hneh tawh a, Poland an ngam leh ta - Poland erawh Bosnia-Herzegovina chu an lo draw tawh a, October-a match hnih an la bakah insiamṭhat an beisei ang.