Kros-i'n silver a hnek chhuak

75th All India Police Wrestling Cluster 2026-ah Indo Tibetan Border Police ( ITBP) aiawha tel Kros Hmangaihsangi chuan light weight category (60 kg)-ah silver medal a hnek chhuak. Inelnaah hian wrestling chauha inel loin boxing, arm wrestling leh body building hmangin an inel bawk.

Inelna hi September 23-27, 2026 chhung khan Vachher Stadium, Haryana-ah neih a ni a, Zonuam nula hian boxing-a a sulhnu tih ṭhat belh nan silver medal a la.

Kros-i hian boxing-ah sulhnu ṭha tak a nei a, World Police Games (Canada)-ah gold a la tawh a, All India Police Games 2022-ah gold lain nikum khan bronze a la bawk. Mizoram tan National senior women-ah bronze ṭum li a la tawh a, national youth women-ah silver a la tawh bawk.