Mumbai lakah Mizoram chak lo

Cricket inelna Syed Mushtaq Ali Trophy-ah nimin khan Mizoram chu Mumbia lakah an tlawm, vawiin hian Bengal nen an match hnihna an khel leh nghal ang.

Wankhede Stadium-a inkhelah Mumbai lam hi ṭhumvawrah an vannei a, vawm hmasak an thlang. Mizoram lamin over 19.3 chhungin run 77 an siam a, an thi kim vek. Mizoram tan Lalhmangaiha chuan run 16 a siam a, Saidingliana Sailo (6 runs) Lalhruaia Ralte (6) leh G Lalbialveka (1) ten run an siam ve bawk, ball 31 a hmachhawn aṭanga run 26 siamtu Taruwar Kohli chu Mizoram tana thawhhlawk ber a ni.

Mumbai opener pahnih Jay Bista (54*) leh Aditya Tare (22*) te thi loin an target 78 hi over 8.1 lekah awlsam takin an um pha a, wicket 10-in hnehna an chang. Twenty20 hmanga inelna  Syed Mushtaq Ali Trophy-ah hian team 38 an inlan a, group pangaah ṭhen hran an ni. Mizoram hi group D-ah Bengal, Mumbai, Assam, Haryana, Madhya Pradesh, Puducherry leh Meghalaya te nen an awm. An inkhelh kual hnuah a sang pahnihin Super League an lut 

dawn a ni.