Kan chak loh hi final a tan a ṭha zawk - Aizawl FC coach

Aizawl FC coach R. Lalruatfela chuan Chanmari FC laka an chak loh pawi ti mah se tuna an hrehawm tawrhna hi final atana inbuatsaihna ṭha tak a nih thu Vanglaini a hrilh.

R-a chuan, "Chak loh chu a hrehawm a, pawi pawh kan ti. Mahse, season liam ta khan league round-ah record ṭhahnem tak kan siam a, kuminah erawh record lam ni loin MPL nomawi chawi a ngai. Nikum khan final lut turin kan kaktluang lutuk a, final-ah kan buai phah," tiin Chanmari FC laka an chak loh chu insiamṭhat nana an hman tur thu a sawi.

Aizawl FC coach R-a chuan sawi chhunzawmin, "MPL nomawi kan lam ri a, mah se final thleng turin kawng a la thui a, knockout stage pawh kan la ngaihtuah dawn lo. League Winner nomawi hi chawi leh ngei kan duh a, kan khelh hmabak zelah kan insawrbing ang," Vanglaini a hrilh.