Messi a la tel dawn lo

World Cup 2026 finalist Argentina chuan tun international break chhungin friendly match thum an khel dawn a, an match hmasa ber chu vawiin zing dar 5:30 hian Bolivia nen an khel dawn - October 4, Pathianni zing dar 5:30-ah Burkina Faso an mikhual leh dawn bawk.

Argentina tana inkhelh a chawlhsan thu puangtu Lionel Messi chu Argentina hian tun international break-ah ram tana a match hnuhnung ber khelhtir tum mah se, a inlan hun tur tak erawh October 7, Nilaini zing dar 4:30-a Benin nen an inkhelh hunah a ni ang.

Messi hian August thla khan ram tana inkhelh a chawlhsan thu hi a puang a, ram tana a theihna zawng zawng a hlan tawh thu leh, hlan leh tur chuang a neih tawh loh thu a sawi.

Argentina hi World Cup semifinal-a England nen an inkhelh ṭumin, politics rawng kaia an chet avangin hrem an ni a, an khelmuala match an khelh leh tur pahnih chu 50% bak entu awm phalsak an ni lo - hemi hremnaa pakhat zawk chu suspend a ni a, an tihsual leh chauhin an tuar dawn tihna a ni.

Mahse, Benin nena an inkhelh hunah erawh Argentina-in hremna an tuar zo tawh dawn a, stadium khatin fan-ten Messi an thlah thei ang - Buenos Aires khawpuia River Plate khelmual Estadio Monumental-ah Messi thlahna hi khelh tur niin, mipui 85,000 lenna a ni.

World Cup 2026-a Messi khelhpuite zingah midfielder Leandro Paredes (match 10) leh Nahuel Molina (7) te chu England laka an chet dan avang khan hrem an ni a, an ṭhianpa Messi thlahnaah an khel ve thei dawn lo.