Liverpool-ah Gakpo a kir

Netherlands tana international break-a a fehchhuahna lama inhliam, season duhawm tak hmangtu Cody Gakpo chu Netherlands squad aṭangin a inhnukdawk ta nge nge a, Merseyside club-ah inenkawl turin a kir - Dutch team hmabak match hnihah a inlan tawh dawn lo tihna a ni.

Tun nipui transfer-a Manchester City zawm hman ṭep Gakpo hian season a hmang ṭha hle. Netherlands tan pawh hian Germany lakah goal ropui a khung a, Serbia laka an chak ṭumin hliam vangin lakchhuah a ngai thung.

Liverpool forward hian tun season inelna hrang hrangah Reds tan match ruk khelin, goal hnih a khung tawh a, assist vawi li a nei tel bawk. Dutch team coach Xavi chuan a hliam hi hliam tenau niin a sawi a, he thu buatsaih a nih lai hian chiang taka puanzar a la awm lo thung.

Hetihlai hian Liverpool striker man to Alexander Isak chu hliam vangin Merseyside-ah a kir tawh bawk a, Swede striker pawh hi engtianga rei nge a chawlh dawn sawi theih a ni lo.

Liverpool hian international break zawh hnua an match hmasa ber chu October 11, Pathianni zan hian an khel dawn a, Manchester City an mikhual dawn - Liverpool head coach Andoni Iraola-a'n player pahnih hi a chhawr thei lo mai thei.