Champion lai TBL chak nghal

Mizoram Basketball Association buatsaih Favang tournament chu Thawhlehni zan aṭang khan ṭan a ni a, champion lai Khatla TBL an chak nghal a, Chhinga Veng BC chuan College Veng BC an hneh bawk.

Inkhel hmasa zawkah Mizoram Super League aṭanga relegate Chhinga Vengin College Veng lakah hnehna chang turin harsatna an tawk lo a, Mizorama basketball inelna sang bera let leh an phu tih lantirin 80-67 in an chak.

TBL-in champion lai an nih chhan tilangin Ramthar Vanguard an sawp a, Vanguard-in MSL champion team hi kawng engkimah an ngam lo a tih theih a, a tawp thlengin TBL an chungnung zawk.

Zaninah dar 6:00 PM-ah Nursey Sporting Club leh Ramhlun Sporting club te an inhmachhawn ang a, dar 8:30-ah club lian Zarkawt BCA leh Saron Veng te an inkhel ve thung ang.