Chhinga Veng an vul, Chanmari an tla
Mizoram Premier League Season 8 Under 18-ah nimin khan Chhinga Veng FC-in Chanmari FC 5-2 in an sawp a, MPL Under 17 a nih laia vawi hnih champion thei Chanmari tan semifinal luh theih a ni tawh lo. Nimin inkhel dangah Electric Veng FC-in Chawnpui FC 7-1 in an sawp a, semifinal lut turin an dinhmun a ṭha hle.
Vawiin chawhma dar 10:30 hian Aizawl FC leh Mizoram Police an inkhel dawn a, Police tan semifinal lut turin goal nga tala chak a ṭul dawn. Chutihrualin Police hian hnehna an chan hrim hrim chuan inkhel tawp ber result an la nghak thei ang. Tlai dar 1:00-ah FC Venghnuai leh Ramhlun North FC te an inkhel dawn a, RNFC hian tla tawh FC Venghnuai an hneh chuan knockout stage an lut ang.
Round 7
Nimin Inkhel Results
Chhinga Veng FC 5 - 2 Chanmari FC
CVFC : R. Swapana 14', 43'; Lalhriatpuia 39', 86'; Lalrindika 90'
CFC : Khamlianthanga 69'; 72'
Chawnpui FC 1 - 7 Electric Veng FC
CHFC : Rony Lalrinawma 5'
EFC : Stain Lalṭanfela 10', 90'; John Lalmuanpuia 18', 23'; HP Lalremruata 34' (P); R. Lalbiakhlua 48', 79'
November 9, Inrinni
Aizawl FC 10:30 AM Mizoram Police
FC Venghnuai 01:00 PM Ramhlun North FC