Argentina an chak nuamsa

World Cup 2026 final-a an tlawm hnua an match hmasa berah Argentina an chak a, friendly match-ah Bolivia chu 4-0 in an sawp - Lautaro Martínez, Nico Paz, Cristian Romero leh José Manuel López te chuan goal khat ṭheuh an khung.

Argentina captain Lionel Messi chuan international football a chawlhsan tawh avangin a inlan lo a, mahse, Messi hi Argentina chuan a tawp nana inlan tura an tih angin, October 7, Nilaini zing dar 4:30-a Benin nen an inkhelh hunah a inlan ang.

Messi a chawlh tak avangin Argentina coach Lionel Scaloni chuan Messi thlaka captain turin, Atletico Madrid defender Cristian Romero a thlan thu a sawi a, Emiliano Martinez, Rodrigo De Paul leh Lautaro Martinez te pawhin captain armband an hren theih tur thu a sawi - Bolivia lakah hian Romero chuan captain armband a hreng a ni.