Bahrain GP-ah heat hazard race puang

October 4, Pathiannia neih tur Bahrain Grand Prix chu Malaysia ram chhung khaw lum vangin 'heat hazard race' puan a ni a, tun season-a vawi thum an puanna chiah a ni.

Bahrain GP hi April thlaa neih tawh tura ruahman a ni a, mahse West Asia-a indona vangin ṭhulh a ni a, a aia Malaysian GP an neihna hmun Sepang Circuit-ah an tlan dawn. mahse Bahrain GP huaihawttute chuan a senso zawng zawng an tum vek dawn thung.

Malaysia khawpui Kuala Lumpur-ah tun hnaiah khua a lum zual a, zirchiangtute sawi danin an intlansiak hunlai hian 31°C aṭanga 33°C vel a nih an ring. Khua a lum viau rual hian ruah a sur theihna chance a sang bawk niin an sawi.

'Heat hazard race'-ah hian driver te chu an car chhungah 40°C bawr vela khawlum an tawh te a ngai ṭhin a, anmahni vawng dai thei tur khawl vuah tur an siam hial. Mahse he khawl hi kg ngaa rit a nih avangin driver ṭhenkhat chuan an duh lo ṭhin a, vuah ngei ngei tur a nih loh bawk avangin vuah lo pawl an awm ṭhin.

Tun season-ah 'heat hazard race' hi vawi thum puan a lo ni tawh a, June thlaa Austrian GP leh thla hmasaa Italian GP-ah khan an lo puang tawh. Ram pahniha intlansiakah hian Mercedes driver pahnih George Russell leh Andrea Kimi Antonelli te an chak ve ve.