Second 80 bak mamawh lo Garcia

American lightweight boxer Ryan Garcia chuan a khingpui Nicaraguan boxer Francisco Fonseca hneh turin hun rei a mamawh lo a, Inrinni zing khan second 80 lek chhungin a knockout.

Kum 20 mi Garcia hian inhnek vawi 20 a hmachhawn tawhah hnehna a la chang vek a, vawi 17 a khingpui a knockout - Fonseca a hmachhawn hmaa a inhnek hnuhnung berah Romero Duno chu November khan World Boxing Council Silver Light title hlawh turin first round-ah a lo knockouttawh bawk. 

Garcia hian Jorge Linares, Luke Campbell, Gervonta Davis leh Devin Haney-te hmachhawn a duh vek thu a sawi a, promoter Oscar de la Hoya chuan July thlaa Linares nena inhnek tura a duh thu a sawi ve bawk. 

Linares hian Garcia te inhnek zanah hian Carlos Morales chu round linaah a knockout a, Venezuelan boxer hi weight division pathum champion thei a nih avangin a nep lo ang. 

Hetihlai hian Garcia chuan, "Kum 2020 atana ka ruahmanna chu khawvel barakhaih hi a ni," a ti a, a hmachhawn tura a duhte chu a hneh vek tur thu a sawi.