Chak mah se Mizoram an tla

Dr. Talimeren Ao Junior Girls’ National Football Championship 2026-27-ah nimin khan Mizoramin Himachal Pradesh 13-1 in sawp mah se inkhel dangah Assam-in Madhya Pradesh an hneh avangin knockout stage an thleng zo lo.

Narainpur, Chhattisgarh-a inkhelah Mizoram tan JH Lalnunpuii'n goal nga a khung a, H. Zodinpuii'n goal li a khung a, P Seipaw-i'n goal hnih khungin Ashley Remsangkimi leh Cicily K ten goal khat ve ve a khung.

Coach Vanlalpeka Ralte hote hian Madhya Pradesh 2-1 a hnehin bul ṭan mah se Assam laka goal khung hmasa chungin 2-1 in an chak lo a, group stage an paltlang zo ta lo.