Final-ah India vs Pakistan

Asian Games cricket final-ah vawiin chawhma dar 10:30 hian India leh Pakistan te an inkhel dawn. India hian T20 inelnaah Pakistan hi a zawna vawi ruk an hneh tawh avangin chak tur zawka rin an ni a, mah se final-ah erawh eng pawh a thleng thei thung.

India hian Asian Games hi an la thutak a, player inlan turte pawh Vaibhav Sooryavanshi, Abhishek Sharma, Sanju Samson, Jasprit Bumrah, Shreyas Iyer leh Ishan Kishan te an nih avangin chak turin an rinawm hle.

Chutihrualin Pakistan hian Sahibzada Farhan a kawl a, nikuma T20 Asia Cup final-ah khan India chhuanvawr Jasprit Bumrah a ngam hle. Mahse, a tawpa chak zawk erawh India an ni tho. Asian Games-ah hian cricket inelnaah India hmeichhe team-in gold an la tawh bawk.