Germany an chak ve ta

Jurgen Klopp-a'n Germany team thar din a tumna kawngah player a tam thei ang enchhin a duh a, tun international break atan squad pahnih a ko - squad pakhat zawk hmangin match hmasa pahnih a hmachhawn a, a chak zo lo.

Netherlands nen 1-1 a an inhnehtawk hnuah, Greece chu 1-0 in an ngam lo a, Ningani zanah erawh thawnthu a danglam ta - Jurgen Klopp hoin Germany an chak ve ta a, UEFA Nations League-ah Serbia chu 2-0 in an hneh.

Germany tan Tom Bischof chuan minute 39-naah goal hmahruai a khung a, minute 61-naah Florian Wirtz chuan a belhchhah - Liverpool midfielder hian post a tihper bawk a, a khel a hmuhnawm tluan zak!

Liverpool fans tan Klopp-a hnuaia hmuhnawm taka Wirtz-a khel hi hmuh a nuam dawn tih a chiang a, an coach hlui hian Wirtz ṭha zawk a chher sak zel an beisei ang.

Klopp chuan, "Wirtz a hlim takzet a, a thawkrim em em bawk. Game hmuhnawm tak a pho chhuak a, kan khelh dan leh a thiam dan a inmil viau bawk - midang hlimna thlen turin enge a tih leh chuan ngai pawh ka hre tawh lo a, Liverpool fan-te an hlim hle ang tih ka ring," a ti.

Germany hian Pathianni zan dar 12:15-ah Greece an lenchilh leh dawn a, mahni muala an hneh loh team hi khualmualah hneh an tum ang.