Mizo nula chhuanawm Remsiami leh Tluangi te hmuak ang aw!

Aichi-Nagoya Asian Games 2026-ah India hmeichhe hockey team-in final-ah seeded no. 1 China 1-0 a hnehin kum 44 hnuah Asian Games-ah gold medal an la. Final-a goal awmchhun hi Mizo nula Lalremsiami Hmarzote khung a ni a, 'goal of the tournament' tih theih khawpa mawi leh ṭha a ni.

India team-ah hian Kolasib nula Remsiami bakah Kanghmun South nula Lalthantluangi a awm a, anni pahnih hi Mizo zingah Asian Games-a gold la hmasa ber an ni. Vawiin hian Mizo nula chhuanawmte hian Mizoram an rawn thleng dawn a, an phu ang ngeiin Mizoram sorkar chuan a hmuahna ropui takin a hmuahna an buatsaih dawn.

Asian Games gold medalist an nih avangin Remsiami leh Tluangi te hian hmuah an phu a, Los Angeles Olympic 2028 khel tura an tlin avangin hmuah an phu hle. Remsiami hian infiammi chawimawina sang Arjuna Award a dawn avang ringawt pawhin a phu a, player pawimawh an nih avangin mipui ṭhahnem tak punkhawm hi an phu takzet. Tun hun hi Mizo leh Mizo inchawimawi hun chu a ni.

Lengpui Airport-ah hmuah an ni dawn a, hetah hian programme tawi siam niin R. Dengṭhuama Stadium, Mualpui panpui nghal a ni ang a, tlai dar 3:00-ah chief minister Lalduhoma leh sports minister Lalnghinglova Hmar hoin official programme hman a ni ang.