A tawp nan Lionel Messi

World Cup zawh hnua ram tana inkhelh a chawlhsan thu puangtu Lionel Messi chu a tawp nan, Argentina jersey ha chungin a inlan dawn a, Argentine forward telna Argentina chuan naktuk zing dar 4:30 hian Benin an mikhual ang.

Kum 39 mi Messi hian ram tan match 207 khel hmanin, goal 125 a khung a, assist vawi 68 a nei bawk. World Cup final vawi thum khelin, bul a ṭan vek a, kum 2022 khan an champion.

Inter Miami forward hian Copa America 2021 leh 2024-ah Argentina a champion pui bawk a, kum 2022 khan Finalissima a lakpui bawk - Olympic thlengin gold a la a, ram tan nomawi chawi theih ang chu a chawi kim.

Tunah erawh Messi hun tawp a thleng ve ta a, ram tan match 208 khel chungin international football a mangṭha dawn ta - tun international break-a Argentina tana inlan lo, Messi ṭhian hnai Rodrigo De Paul leh Giovani Lo Celso te pawh Benin lakah an inlan dawn.

Nicolas Otamendi pawhin World Cup final zawhah ram tana inkhelh a chawlhsan thu puang mah se, Messi thlahna inkhelah a inlan dawn a, Messi ṭhianpa Angel di Maria chuan a hmunah inkhel hi a en dawn bawk.