A chung berah Aizawl FC

Star Cement MPL13-ah Chanmari FC-in hma an hruai rei lo. Zirtawpni zan khan Aizawl FC-in Zomuansanga leh PC Pazawna te goal hmangin Ramthar Veng 2-0 in an hneh a, point 26 hmuin pakhatnaah an awm.

Khuangchawi thla zan boruak nuam tak hnuaia inkhelah Zomuana'n tun inelnaa goal 12-na a khung a, PC Pazawna khung tur a siamsak bawk. Aizawl FC tan midfield-ah JH Remlala a hmuhnawm a, Champhai tlangval hi man of the match-a thlan a ni.