Malsawmfela goal a mawi thlawt!

Star Cement MPL13-ah Mizoram Police-in Malsawmfela goal ropui hmangin Saikhamakawn 1-0 in an hneh a, point 19 hmuin semifinal khel turin an dinhmun a ṭha ta hle.

October 3, Inrinni tlai inkhelah minute 33-naah dinglam aṭanga Zohminthanga cross chu Sawmfela'n a bu ang thlapin box chhungah a la thla a, goal kil takah a volley lut nghal. Goal ropui leh mawi bik a ni a, player ṭha bik chauhin an tih theih a ni a, ennawm ropui phochhuaktu Malsawmfela fak a phu hle.

Chutihrualin Police-in hnehna chang turin vanneihna an mamawh a, player of the match-ah defender Vanlalpeka Pautu thlan a ni a. Peka kawppui Lalhmunmawia'n (Ahmuntea) box pawn chiahah K. Lalremmuana a titlu chungin hnawhchhuah a ni lo.