Kanan an sang zel

Kanan FC-in Star Cement MPL13-ah round ngana thlengin point an la hmu lo a, round 11 khelh zawhah erawh point 11 hmuin paruknaah an awm. Coach C. Zothantluanga hote hian Inrinni zan khan Malsawmzela (Valpuia) goal hmangin MLS FC 1-0 in an hneh.

KFC hian Ramthar Veng FC, Chanmari FC leh Aizawl FC te an la hmachhawn dawn a, fixtures thlir chuan semifinal luh harsa dawn mah se relegate pumpelh thei dinhmun an ding. MLS erawh an chak lo chungin an chunga awm Dinthar FC bakah table mawngphaha awm Ramthar Veng an hmachhawn dawn avangin semifinal kawng a la inhawng.