England-in goal sarih an khung!

UEFA Nations League khelh mekah England an tal hiar hle - Three Lions hian Inrinni zan khan Croatia chu khualmualah an lenchilh a, 7-0 ngawtin an sawp tehreng a nih kha!

England tan Harry Kane leh Bukayo Saka ten goal hnih ve ve an khung a, Jude Bellingham, Anthony Gordon leh Morgan Rogers ten goal khat ve ve an khung bawk - mualneitu Croatia hian a chhanletna tur an nei lo.

Three Lions hian tun international break-a an match hmasa berah world champion Spain hmachhawnin, 3-2 in an ngam lo a, mahse, a hnu match hnih an khelhah erawh an insiam ṭha - Czech Republic chu 2-0 in an hneh a, 7-0 in Croatia an hneh chhunzawm zat.

Thomas Tuchel-a team hian October 2, Thawhlehni zanah Czech Republic an mikhual zui leh dawn a, Three Lions-in a zawna match thum hnehna chan theih an inbeisei ang.