Khatla TBL an chak zo lo

Mizoram Basketball Association buatsaih Favang tournament chu Inrinni zan khan khelh chhunzawm niin, Mizoram Super League champion lai Khatla TBL an chak zo lo a, an hneh loh hi an elpui ber Zarkawt BCA an ni.

Club lian pahnihte inkhel hi a tir aṭangin a ṭang ṭha nghal a, team pahnihte inhlau lo tawn takin an innawr nghal a, BCA an chungnung hret thung. Third quarter aṭangin BCA-in hma an hruai fal ṭan a, a tawp thlengin an hmahruaina hi an hloh tawh lo a, 82-70 in hnehna an chang.

D League inkhelah Nursey SC chuan 83-62 in Chawnpui BC an hneh a, Chhinga Veng BC chuan 104-78 in Electric Veng an hneh bawk. Inelna kal mekah Chhinga Veng hi Zemabawk hnua point 100 score tling hmasa ber an ni.

Hmeichhe inkhelah Maxin SB an chak zo lo a, October 2, Zirtawpni a Durtlang Mohicans laka forfeit-a an chak hnuah Maxim SB hi 54-29 in Dawrpui Alpha lakah an tlawm.

Hei bakah hian October 2, Zirtawpni zan inkhel hnuhnung berah MSL club thar Dawrpui Hotshots an chak lo a, 64-68 in Chanmari BC lakah an vanduai a, point li lekin an inthlau.