Match 41 tlawm tawh lo Spain!

World champion Spain-in champion an inhmehzia an pholan chhunzawm zel a, Inrinni zan UEFA Nations League-ah an mikhual Czech Republic chu 3-1 in an hneh.

La Roja tan Lamine Yamal, Rodri leh Mikel Merino ten goal khat ṭheuh an khung a, Czech tana Jiri Sláma goal khung chu scoreline cheimawina bak a tling zo lo.

Spain hian Yamal leh Rodri hmangin goal an khung hmasa a, 2-0 a ni. Czech tan Slama chuan si phurh a sut ṭhen a, mahse, an phur rei hman lo - minute 85-naah Ladislav Krejcí chu hnawhchhuah a ni.

Player kim pawha ṭha lo zawk Czech tan player kim loa Spain hmachhawn a hautak hret a, Merino-a'n chak nemnghehna goal a khung zui - match 41 chhung Spain hi tlawm loin an kaltluang tawh!