Uruguay ticket a man tlawmin!

India leh Brazil inkhelh ṭumin, mi 85,000 lenna stadium Salt Lake Stadium-ah fans 51,402 an pungkhawm a, heng zinga ticket tam zawk hi AIFF-in a thlawna a sem chhuah a la ni zui!

AIFF-in Uruguay leh India inkhelah stadium an thawl a hlau a, tun hnaiah ticket man a tihniam vak - Rs 1,999-a zawrhchhuah chu tunah hian Rs.199-a lei theihin a awm tawh.

Hetihrual hian West Bengal chief minister Suvendu Adhikari chuan ticket 22,000 vel a thlawna an semchhuah tur thu a sawi bawk.

West Bengal sorkarin ticket an semchhuah erawh, awmze nei loa sem tawp an ni bik lo. Nikuma Lionel Messi-a'n India a tlawh khan, Kolkata-ah buaina chhuakin, fans tam takin ticket nei chungin Messi an hmu thei lo.

Khami ṭuma vanduaite pual deuha he ticket hi buatsaih a ni a, anni ho hian West Bengal sorkar aṭangin, ticket lei hranpa ngai loin Uruguay inkhel tur ticket hi an dawng dawn a ni.