Erling Haaland a inhliam

Portugal nen an inkhelh ṭumin, Norway striker Erling Haaland chu a inhliam a, Manchester City striker chhuanvawr hliam hi eng ang taka na nge a nih, he thu buatsaih a nih lai hian a la chiang lo.

Haaland hian hliam a neih avangin thlak a ngen a, minute 67-naah lakchhuah a ni - kum 26 mi striker hian tun season inelna hrang hrangah match sarih khelin, goal sarih a khung tling der tawh a, a inhliam thu hriat hi City tan a nuam lo khawp ang.

Manchester City hi international break laiin an thubuai neih 115-ah thiam loh chantir an ni bawk a, an boruak a fuh lo hle - an match neih leh hmasa berah Liverpool an tum dawn!

City hian Pathianni zan dar 9:00-ah Liverpool hi khualmualah an lenchilh dawn a, Haaland a inlan theih loh a hlauhawm ta hle.

Hetihlai hian Liverpool pawh an dam kim bik lo. International break-a ram tana feh chhuak, Sweden striker Alexander Isak leh Netherlands forward Cody Gakpo te pawh hliam nei chungin an haw a, an inlan theih dawn leh dawn loh a la chiang lo.