Argentina jersey nen Messi

Lionel Messi-a'n Argentina jersey a hlih tawh thu sawi mah se, a tawp nan, naktuk zing dar 4:30-ah Argentina jersey hain a inlan leh dawn a, ram tana a match hnuhnung ber tur a ni ang - inkhel hi ZEE5-ah en theih a ni ang.

October 5, Thawhṭannia Vanglaini chhhuakah, Messi hi vawiina inlan tur angin tarlan a ni a, tihsual palh a ni a, chhiartute hriatthiam kan dil a ni.

Messi telna Argentina hian friendly match-ah Benin an hmachhawn dawn a, World Cup zawha ram tana inkhelh a chawlhsan thu puangtu Nicolas Otamendi pawh a ṭhianpa thlahna inkhelah a inlan leh dawn a ni.

Kum 39 mi Messi hian ram tan match 207 khel hmanin, goal 125 a khung a, assist vawi 68 a nei bawk. Messi hian kum 2022 khan Argentina chu world champion a nihpui a, kum 2014 leh 2026-ah final hruai thleng mah se, a chak lo zawkah an ṭang thung.

Inter Miami forward hian Copa America 2021 leh 2024-ah Argentina a champion pui bawk a, kum 2005 khan FIFA World Youth Championship-ah Under-20 chu champion puiin, kum 2008 khan Under-23 team chu Olympic-ah gold a lakpui bawk.