Mbappe-a'n training la zawm lo

Kylian Mbappe chuan nimin chhun khan Madrid a thleng a, mahse training a la zawm lo thung. Chutihrualin Mbappe hi social media-ah a cycle khalh lai hmuh tur a awm avangin fans an thinrim hle.

Nimin chhun dar 11 bawr vel khan French forward hi Madrid-ah a ṭum a, Real Madrid team training-na hmun Valdebebas-ah hmuh tur a awm ve lo. Mahse instagram lamah a cycle khalh lai a post zui.

Hetihlai hian Mbappe ṭantu an tam ve thung a, training a zawm loh chu club thuneiuten an hriatpui a, an phalna thlapa a teammate te bula awm lo a nih thu sawi an awm bawk.

Kum 27 mi Mbappe hian Nations League-ah Turkey nen an inhmachhawn ṭumin, chakna goal a khungna lamah a khup vei lam a ti na a, October 25, Pathianni zana El Clasico khelh hman a duh vangin an ram team aṭangin a inhnukdawk.

Mbappe hian tun season-ah Los Blancos tan match sarih khelin goal sarih a khung bakah assist pahnih a nei leh der tawh a, Jose Mourinho hnuaia insiamṭhat an tumna kawngah player pawimawh a ni.