Haaland a inhliam lo!

UEFA Nations League-a Portugal nen an inkhelh ṭuma lakchhuah, khawthlang media-ten hliam vanga lakchhuah nia an sawi, striker Erling Haaland a inhliam leh lo!

Norway-in 2-1 a Portugal an hneh loh ṭumin Haaland hi lakchhuah a ni a, Manchester City hian a chhuah hmain, thlak a duhthu kut zaizirin coaching staff-te a hriattir.

Hei vang hian Haaland hi a inhliam niah tam tak chuan an ngai a, mahse, a inhliam lo. Norway head coach Stale Solbakken chuan, Portugal an hmachhawn hma match thuma minute 90 khel tling vek Haaland chuan hahdam a mamawh avanga thlak mai an nih thu a sawi.

Solbakken chuan, "Player ṭhenkhat kha chu an chau tawh viau a, Berge leh Odegaard te pawh kha chau tak an ni. Erling khan ka beisei aiin a khel rei tawh zawk a, a beih hram hram chhung kha a rei hle.

"A nihna takah chuan minute 60 khelhtir tuma ruahmanna siam kan ni a, minute 65 a inkhel thei zawk a ni," a ti a, a player inhliam loh thu a sawi - Manchester City fans tan thu hriat nuam a tling ang.

Solbakken chuan Haaland bakah Arsenal captain Martin Odegaard leh Fulham midfielder Sander Berge-te chu an club-a chawl hahdam a, kir thuai turin private thlawhtheihnain inkhelh zawhah a lo nghah reng thu a sawi bawk.