Indian tleirawlten Iraq sawp!

AFC U17 Women’s Asian Cup China 2027 Qualifier-ah Indian tleirawlte an chak chiang a, Iraq chu 14-0 ngawtin an sawp - India U17 hmeichhe team an la chak chian ber a ni a, hemi hmaa an record chu 12-0 a UAE (2014) leh Sri Lanka (2018) an hneh kha a ni.

India tan hian Anushka Kumari chuan goal nga a khung a, Silky Devi Sorokhaibam leh Abhista Basnett ten goal hnih ve ve khungin, Thandamoni Baskey, Nira Chanu Longjam, Pritika Barman, Joya Kabul Hasan leh Alva Devi Senjam ten goal khat ṭheuh an khung.

October 8, Ninganiah India hian Syria an hmachhawn leh ang a, October 11-ah a thlengtu Malaysia an hmachhawn leh bawk ang. Group tin aṭangin hmahruaitu chauh Asian Cup 2027 khel turin an tling dawn a, India tan chak zel a pawimawh.