Golden Boy dawng thei zingah Cubarsi

Italian chanchinbu lar Tuttosport-in kum tina an sem ṭhin, kum 21 hnuai lam footballer ṭha ber thlanna Golden Boy Award dawng thei tur player 25 hming chhawpchhuah a ni a, Barcelona centre back Pau Cubarsi hming a langsar hle.

Spain international Cubarsi hian season hmasaa La Liga nomawi a chawi bakah, World Cup 2026-ah Spain a champion pui a, Young Player of the Tournament atan thlan a ni hial - Golden Boy chawimawina a hawn a nih pawhin a mak lo ang.

Arsenal rawlthar duhawm Myles Lewis-Skelly pawh chhawpchhuah zingah a tel a, Chelsea forward Estevao Willian pawh player 25 zingah a tel - season chawhnu lam hliam vangin a inlan zui thei lo a, hei hian a award dawnna chance erawh a tichhe deuh ang.