ADFA First Division ṭan dawn

Aizawl DFA hnuaia inelna sang ber ADFA First Division League chu vawiin aṭangin khelh ṭan a ni dawn. Inelnaah hian team pariat Aizawl FC Academy, Bawngkawn FC, Chawnpui FC, FC Armed Veng South, Jes FC (Zonuam), Lushai Corner FA, Ramhlun North FC leh Tuithiang FC te an tel ang.

Durtlang Football Stadium-ah First Division hi khelh a ni dawn a, chawhma dar 10:30-ah Lushai Corner FA leh FC Armed Veng South te an inkhel dawn. Tlai dar 1:30-ah Aizawl FC leh Chawnpui FC te an inkhel zui ang.

ADFA leh BR Studio ten inremna an nei a, First Division inkhel hi BR Studio YouTube Channel-ah a en theih ang.