F1 an inenfiah a ngai - Sainz

Williams driver Carlos Sainz chuan Bahrain Grand Prix an tlan zawh taka an khawl hman pakhat chiang lo chu sawiselin, thuneitu Formula 1 an inenfiah a ngaih tur a sawi.

Pathianni zana Sepang Circuit-a intlansiakah hian khua a ṭhat loh huna kawng nala driver-te puitu tur khawl chu a chiang lo a, he thil vang hian intlansiak an ṭan hmain driver tam takin harsatna an tawk. Intlansiak pawh tihkhawtlai niin siam ṭhat a nih hnu darkar khat leh a chanveah an tlan ṭan thei chauh.

Spanish driver chuan, "Kumina kan dan thar hmante hi driver tam tak tan zawm a harsa hle. Driver mai bakah team hrang hrang leh khawl siamtute thlengin an buai phah.

Infiamna a nih angin dan hnuaia awm tur kan ni a, chumi tur pawh chuan theihtawp kan chhuah. Mahse tun hnai kum li kum nga bawr vel khan thil kal dik lo a awm tawh a, he inelnaa tihsual a awm tawh lohna turin F1 hian inenfiah a mamawh a ni," a ti.

Kum 23 mi Sainz hi Grand Prix Drivers' Association-ah director a ni a, F1 chungchanga a thilsawi avang hian thlawptu a ngah a, an zingah Red Bull team principal Laurent Mekies a langsar hle.

Sainz hi kuminah a che ṭha lo takzet a, podium vawi khatmah a la lawn loh bakah point sarih chauh a la hmu a, Driver's table-ah 18-naah daih awmin a hnuaiah driver panga chiah an awm.