LeBron tel loin Sixers an chak

NBA season thar atana inbuatsaihnaah Philadelphia 76ers chuan nimin khan, New York Knicks chu 120-97 in an hneh a, LeBron James chu a ke phah vei lam hliam vangin a inlan ve lo.

Pre season match ni mah se LeBron tel loa champion lai an hneh theih avangin Sixers tan result duhawm a ni a, inrintawkna an nghah sawt a rinawm.

Xfinity Mobile Arena, Philadelphia-a inkhelh team pahnihte an nung nghal a, first quarter-ah 33-32 in Sixers-in hma an hruai. Second quarter-ah Sixers in hma sawn hretin 72-58 in an hmahruaina an tizau.

Third quarter-ah team pahnihin point 21 ve ve score-in 93-79 a ni a, quarter tawp berah Knicks-in point 18 chauh an score laiin Sixers-in point 27 zet an la score theih avangin champion lai an tlawm.

Sixers tan an player thar Jaylen Brown a khel ṭha nghal a, Boston Celtics aṭanga an lak Brown hian point 22 zet a nei nghal. Dean Wade inlan bawkin point hnih chauh score mah se a khel chhe lo a; Kentavious Caldwell-Pope chuan point 11 a nei bawk.

Knicks tan erawh point 10 score tling pathum - OG Anunoby, Jalen Brunson leh Landry Shamet te chiah an awm a, champion lai team hi an coach Mike Brown-a'n inenchhinna a kalpuiah a ngaih theih.