Man City hi kum nga chhung tal an hrem a ngai - Carragher

Liverpool legend Jamie Carragher chuan Manchester City tihsual a len avangin hremna na tak an tawh a ṭul a, an player ṭhate an chhuah theih nan kum nga tal hrem an ngaih thu a sawi. Tunkar tawp hian Premier League khelh a ni leh tawh dawn a, October 11, Pathianni hian Liverpoool leh Manchester City an inkhel ang.

Carragher chuan, "Man City hi an thil tihsual avangin kum thum aṭanga kum nga tal hrem an ngai a, hun rei tak an hrem a nih chuan an player-te pawhin an chhuahsan mai ang. Mahse, season khat chauh an hrem a nih chuan player tlemte chauh an chhuak dawn.

"Chutihrualin Premier League-ah sum tel loin engtin nge player-te hlawh an pek ang. Club neitute hi an tihsual a len avangin rin an harsa tawh dawn a, club enkawl zel tlak pawh an ni tawh lo," tiin a ngaihdan huai takin a sawi.

Manchester City lam erawhin khin let ngei an tum a, club chairman leh CEO te chuan manager Enzo Maresca biain player-te ngaih ṭha taka an awm theih nan an rilru hmin turin an hrilh. Maresca kaihhruai City hi match ngaah an la chak vek a, point 15 hmuin table chung berah an awm mek.