Ranji Trophy khel turin Mizoram inbuatsaih

Cricket Association of Mizoram (CAM) hnuaia Mizoram senior team chuan October 5, Thawhṭanni khan inelna neihna hmun Nadiad, Gujarat an thleng. Nimin khan Kheda District Association team nen ni hnih awh friendly match an khel a, vawiinah an chhunzawm ang.

Tun ṭuma inelna an hmachhawn tur Ranji Trophy hi state leh state inelna sang ber a ni a, match khat hi ni li chhung awh zel a ni a, hmun hrang hranga khelh tur a ni. Match hmasa ber hi Nadiad, Gujarat-ah October 11, Pathianni hian Manipur nen an khel an ang a, match hnuhnung ber erawh nakkum January hian Sikkim nen an inhmachhawn ang.