Veteran Football : Sial leh nuai khat

GIG Motors Veteran Football Tournament chu October 13, Thawhlehniah a khuh hawnna neih a ni dawn a, October 10, Inrinni thleng entry fee pek theih a ni. Entry fee hi Rs 3000 a ni a, security deposit Rs 10,000 nen Y2 Goal Agencies Chanmari, M28 Dawrpui leh Zorammawia dawr Electric Vengah a pek theih a, Organising Secretary hnehnah GPay (9957442488) hmangin a pek theih bawk.

Match hmasa ber hi 1st Bn MAP Ground Armed Vengah October 19, 2026 hian khelh a ni dawn a, final hi October 31, Inrinni hian RG Stadium, Mualpuiah khelh a ni ang. Champion hian nuai khat leh sial an dawng dawn.

Aizawl khawpui chhung aṭanga team tel duh tan AMC Ward aṭangin team khat tel theih a ni ang. MLA Constituency aṭangin team khat ai a tam tel theih a ni ang a, vote neihna ward/constituency ah chauh khelh theih a ni ang.

Playing XI-ah 40+ mi pathum, 45+ mi panga, 50+ mi pahnih leh 55+ mi pakhat an awm ngei ngei tur a ni. Match khatah mi pasarih an inthlak thei dawn. Kum bithliah dan hi 40+ (1986 leh a hma lama piang chin), 45+ (1981 leh a hma lam), 50+ (1976 leh a hma lam) leh 55+ (1971 leh a hma lam) a ni.