MFA Inter College Futsal an ṭan

MFA buatsaih Made by Mizo Inter College Futsal Tournament chu nimin ṭangin R. Dengṭhuama Indoor Stadium-ah khelh ṭan a ni. Mipa leh hmeichhia inelnaah Govt Aizawl College ten hnehna an chang ve ve a, mipa lama team ṭha tur zinga mi Hrangbana College pawhin ICFAI University 11-1 in an sawp bawk.

Mipa inelnaah team sarih an awm a, group A-ah Govt Hrangbana College, Govt T. Romana College, Govt Zirtiri Residential College leh The ICFAI University te an awm a, group B-ah Govt Aizawl College, Govt Aizawl North College leh Govt J. Thankima College te an awm thung.

Mipa inelnaah group khat aṭanga a sang pahnihin semifinal an lut dawn. Hmeichhe inelnaah hian team thum chauh an awm a, vawi khat ṭheuh an inkhelh kual hnuah a sang pahnihin final an khle dawn. Team telte chu Govt Aizawl College, Govt Hrangbana College leh The ICFAI University te an ni.