Singapore GP-ah Russell a awm hnung dawn

October 11, Pathianni zan Singapore Grand Prix neih turah George Russell chuan a hnung lam aṭangin bul a ṭan dawn a, hei hi Bahrain GP-ah a tawp a tlan thlen loh vang a ni.

Mercedes driver Russell hi Sepang Circuit-a intlansiakah bul a ṭan chhe lo a, mahse 'lap' nga chiah tlan tur a awm tawh tihah a car engine-ah harsatna a awm avangin a ding a, a tlan chhunzawm thei lo. A din lai hian Russell hi pathumnaa a awm lai a nih avangin a ui hle.

Hetihlai hian a teammate Andrea Kimi Antonelli chu pahnihna a ni thung a, Red Bull driver Max Verstappen chiah a tluk lo. Pathumnaah Lewis Hamilton a thleng bawk.

Kum 28 mi Russell hian point 236 hmuin Driver's table-ah pahnihnaah a la awm tho a, mahse hmahruaitu Antonelli nen point 84 zetin an inthlau tawh. Hei bakah hian a hnuai chiaha awm Hamilton-a'n (214 pts) point 22 chiahin a pha tawh lo bawk.

Mercedes team principal Toto Wolff chuan, "Russell a chet ṭhat tawk loh avangin pawi kan ti a, ṭha taka a let leh theihna turin inbuatsaihna kan kalpui nghal. Singapore-ah hian insiamṭhatna hun kan nei dawn a, kan team driver pahnihten result ṭha tak an neih ka beisei," a ti.