Imavov-a'n Strickland a cho

Russian MMA fighter Nassourdine Imavov chuan UFC middleweight champion Sean Strickland chu a cho mek a, an inhmachhawn thei dawn a nih chuan a mimal pawisa $500,000 zet thehchhuah a huam thu a sawi.

Kum 30 mi Imavov hian Thawhṭanni khan X (Twitter)-ah Strickland choin, "Pawisa chungchang a nih chuan, ka pawisa $500,000 hi min hneh chuan i nei dawn nia. I la duh lo cheu a nih chuan i ngam lo tihna a ni mai. Pawn lamah kan chingfel tho ang. UFC, hei hi maw in champion chu? a kawnghren hlihsak rawh u," a ti.

Strickland hi December thlaa UFC 335-ah Imavov nen inbeih tura ruahman ni mah se, UFC-in a beisei zat pawisa an pek dawn loh avangin a hnar nia sawi a awm a, hei vang hian Imavov chuan a mimal pawisa pawh thehchhuah a huam thu a sawi.

Fighter pahnih hi inbei tura ruahman an la ni lo a, kumin chhunga UFC event ruahman tawhah hmun a khah vek tawh avangin lo inhmachhawn dawn pawh ni se kum 2027 hma chuan a thlen a rinawm loh.

American fighter Strickland hian January 2023 khan Imavov hi unanimous decision-in a lo hneh tawh a, an intawng leh dawn a nih chuan Imamov-a'n chak loh nawn a duh dawn loh avangin ngaihven a hlawh ang.