Chanmari ngamtu Chhinga Veng

Mizoram Premier League Season 8-ah Chhinga Veng FC-in Inrinni zan khan season ṭantirha anni aia thawm ring zawk Chanmari FC chu 1-0 in an hneh a, point 20 hmuin an hnuaia awm Electric Veng aiin point ngain sang mah se semifinal khel tur erawh hriatthiam a la har zel.

Chhingcows goal awmchhun hi Lalmawizuala'n minute 65-naah Chanmari player Lalremruata ball clear sual chu vawi khat khawiah a tilut. Chhinga Veng hian Ivorian forward Ouattara Sie an chhawr leh thei tawh a, an elpui Chanmari laka point thum hlawhchhuah hi chanchin lawmawm bik a ni ang.

Amaherawhchu, Chhinga Veng hian an chunga awm pahnih Aizawl FC leh Mizoram Police bakah Electric Veng FC an hneh avangin ngaih ṭha taka awm thei an la ni lo. Chanmari erawhin team nem zawka ngaih Chawnpui FC leh Ramhlun North te an la hmachhawn dawn a, chutihrualin Aizawl FC nen an inkhel dawn tih hriat a ṭha bawk.