MFA Inter College Futsal Govt Aizawl College an champion dawn?

MFA buatsaih Made by Mizo Inter College Futsal Tournament chu R. Dengṭhuama Indoor Stadium-ah khelh chhunzawm a ni a, hmeichhe lamah Govt Aizawl College chuan Hrangbana College 5-1 in an hneh. GAC hian final an lut a, final-ah vawiina ICFAI University leh Hrangbana College inkhela chak zawk an hmachhawn ang. Group stage-ah GAC hian ICFAI leh HBC te hi an sawp ve ve tawh avangin champion turin an dinhmun a ṭha hle.

Mipa inelnaah team sarih an awm a, group A-ah Govt Hrangbana College, Govt T. Romana College, Govt Zirtiri Residential College leh The ICFAI University te an awm a, group B-ah Govt Aizawl College, Govt Aizawl North College leh Govt J. Thankima College te an awm thung.

Mipa lamah Hrangbana College leh Govt Aizawl College ten semifinal an lut tawh a, vawiin lamah semifinal khel tur a chiang dawn. Semifinal hi October 10, Inrinni hian khelh tur a ni a, mipa leh hmeichhe final hi October 12, Thawhṭanniah khelh a ni thung ang.