Syed Modi khel lo tur Sindhu

Season hmasa ang bawkin badminton world champion PV Sindhu chuan Syed Modi International badminton championship a khelh loh tur thu a sawi. Inelna hi November 27 aṭangin Lucknow-ah neih ṭan tur a ni.

Sindhu a awm loh chuan nikum lama finalist Saina Nehwal chu India nula zinga medal la thei tura beisei a ni ang. London Olympic bronze medalist hi kuminah a khel ṭha tawk lo. He Bingjiao leh Li Michelle te hnungah seeded pathumna pek a ni ang.

Olympic champion Carolina Marin leh champion lai Han Yu te an inlan dawn bawk a, India nula tan nomawi la tur chuan hna hautak paltlang tur a tam dawn hle tihna a ni. Mipa singles lamah erawh - Kidambi Srikanth, B. Sai Praneeth leh champion lai Sameer Verma te an inlan thei dawn a, medal dawn beiseina a sang deuh tura ngaih a ni ang.