Beiseina ka nei sang - Tluangtea

Bengaluru FC midfielder ṭhangduang Lalremtluanga Fanai chuan season thar atana beiseina a neih san thu Vanglaini a hrilh a, Bangalore club-ah hming chher chhunzawm zel a tum.

Tluangtea hian season hmasa ISL-ah khan match 13 khelin, assist vawi li a nei a, Indian football ngainatute mit a la hle.

Bawngkawn tlangval Tluangtea chuan, "Beiseina sang tak ka nei a, training kan neih dante ka ngaihtuah chuan, season tharah pawh hmun pawimawh ka chang thei turah ka ngai," tiin Vanglaini a hrilh.

India tana vawi khat inlan tawh Tluangtea hian Bengaluru-ah season hnih khelh chhunzawm turin contract a la nei mek - Bangalore-ah Mizo keeper Lalthuammawia Ralte a awm bawk.

Bengaluru hian vawiin tlai dar 5:00-ah tun season ISL-a match hmasa ber an khel dawn a, Sporting Club Delhi an mikhual ang.