Ka inpeih tawh viau - Dinpuia

Chennaiyin defender PC Laldinpuia chuan season thar hmachhawn tura a inbuatsaih thu sawiin, "Ka inpeih tawh viau chuan ka hria," tiin Vanglaini a hrilh.

South Indian club hian Indian coach Clifford Miranda enkawlna hnuaiah an khel dawn a, Dinpuia chuan, "Thla hnih vel training kan nei tawh a, kan inpuahchahna pawh a ṭha," a ti.

Chennaiyin-ah hian Dinthar tlangval Ayush Chhetri leh Republic Veng tlangval C. Lalhriatpuia te an lut a, Dinpuia chuan, "Training naah pawh an hmuhnawmin, an thiam ṭhin khawp mai. Hmun pawimawh an chan ka ring," tiin a ṭhiante a fak hle.

Chennai club hian zanin dar 7:30-ah FC Goa an lenchilh ang - Goan club hi Ayush-a chher liantu an ni a, Mizoram midfielder tan a club hlui hneh a châkawm khawp ang.