Chite Veng leh MSVT ten final an lut

Sorazo ADFA Second Division Championship-ah nimin khan semifinal khelh a ni a, Chite Veng leh Mission Vengthlang ten final an lut. October 13, Thawhlehni tlai dar 2:00 hian Durtlang Football Stadium-ah nomawi an inchuh ang.

Nimin inkhelah Chite Vengin C. Zomuanpuia hattrick hmangin Salem Veng 4-1 in an hneh a, inkhel dangah Lalramchhana hattrick hmangin Mission Vengthlang FC-in Chatlang FC 4-2 in an hneh ve bawk.

Second Division champion hi season thara First Division khel turin an tling dawn a, pahnihna erawh First Division khel turin an tling chiang lo - MPL ngaihchan phawt a ṭul ang.