Inter Village Futsal-ah team 31 inziaklut tawh

Mizoram Football Association chuan October 27, 2026 aṭanga ṭan turin MFA Inter Village Futsal Tournament a buatsaih dawn. Inelna buatsaihtu MFA hian entry fee pek hun hi October 16, Zirtawpni thleng an pawtsei a, ṭan hun pawh October 22, 2026-a ruahman kha ni ngaa sawn tlai a ni bawk.

Tunah hian team 31-in entry an pe tawh a, entry fee hi Rs 2000 niin 89742 30295-ah a pek theih. Village Council/Local Council pakhat huam chhung aṭangin team khat a chhuah theih a, player 20 leh official pathum a inziahluh theih a, match day-ah player 14 leh official pathum a inziahluh theih.

Player endik nan hian voter ID leh aadhaar card hman a ni ang. Kum 2006 leh a hnu lama piangte chauhin aadhaar card an hmang thei ang a, aadhaar card hmangte hian VC/LC hriatpuina lehkha an nei ngei bawk tur a ni. Player endik chungchangah thutlukna siam harsa deuh a awm a nih chuan organising committee-in thu tawp a nei ang

Inelna chungchangah hriatchian duh nei tan 8415881653-ah zawhfiah theih a ni ang.