Zothan Futsal, Chanmari an champion
Asianpaints North East Super 6 Aizawl City chu November 8 & 9, 2019 chhung khan Ramhlun Sports Complex-ah khelh a ni a, Zothan Futsal, Chanmari chuan final-ah Saron Veng FC hnehin an champion. Champion team hian Rs 50,000 an dawng a, November 23 hian Guwahati-ah North East final khel turah Mizoram aiawhin an kal ang.
Inelnaah hian MFA hnuaia League Club 16 leh Division I club 16 te an inel a, final hmuhnawm takah Zothan Futsal, Chanmari leh Saron Veng te hun pangngaiah 1-1 in an inhnehtawk. Penalty shootout-ah Chanmari club an vannei a, 2-1 in hnehna an chang.
Thlirna Tawi
Zothan Futsal, Chanmari 1 - 1 Saron Veng FC
Penalty Shootout-ah Zothan Futsal 2-1 in an chak
ZFC : Samuel Laltlanthanga 9’
SAV : Vanlalthanga 14’
Best goalkeeper RS Lallawmzuala, Zothan Futsal, Chanmari
Best player Vanlalthanga, Saron Veng FC
Top scorer Samuel Laltlanthanga, Zothan Futsal, Chanmari
Freestyle Challenge Zorinsanga, Tlangnuam Vengthar Futsal Club